Funny dance pic.s- Хөгтэй бүжигчид

"Инээ, инээ, бас дахин инээ" Владимир Ильич Цээгий чих шиг...ккк

Та бүхэнд инээдмийн баярын мэнд хүргэе. "Хөөрхөн" хэдэн зураг олоод оо.

цааш нь...

Вильям хунтайж хуримандаа Болливудын хоёр бүжигчнийг урьжээ

Английн эрхэмсэг дээд ханхүү Вильямын хурим сүүлийн үеийн хамгийн их сенсаацтай, сонирхолтой сэдэв болж, дэлхий нийтийн анхаарлыг татаад байгаа билээ.
Энэ оны 4 сарын 19нд болох хуримандаа ханхүү Болливудын хоёр хосыг бүжиглүүлэхээр урьжээ.
Бүжигчин Сандип Сопоркар ба Жесс Рандхава нар энэ урилгад маш сэтгэл хангалуун байгаа бөгөөд саяхан нэг ТВ нэвтрүүлэгт оролцох үеэрээ энэ тухай ярилцлага өгчээ. Тэд вальс юм уу ямар нэгэн романтик бүжиг хийхээр ярилцаж байгаа ч хараахан товлоогүй байгаа гэнэ.

цааш нь...

Princess Debut- Бүжгийн видео тоглоом

Нинтендогоос гаргасан гайхалтай тоглоом болох Princess Debut-г танилцуулж байна. Энэхүү тоглоом нь бүхий л талаараа гайхалтай болж чадсан гэж тоглоом сонирхогчдоос өндөр үнэлгээ аваад байгаа юм.

Өгүүлэгдэх түүх: Та Сабрина хэмээх нэгэн гүнжийн дүрт тоглох болно. Сабрина хэмээх нэгэн охин жирийн амьдралаасаа ихэд уйдсан байдаг. Нэгэн удаа хичээлээ тараад гэртээ иртэл шүүгээн дотроос нь өөртэй чинь яг адилхан ч гэсэн маш жижигхэн биетэй гүнж, ягаан нүдний шил зүүсэн нэгэн жижигхэн нисдэг амьтан гарч ирнэ. Тэд өөрсдийгөө Kip Hamoon Stallon 777 ба гүнж Сабрина гэж танилцуулна. Тэд шүүгээний цаана байх үлгэрийн ертөнцөөс ирсэн бөгөөд 30 хоногийн дараа тэдний оронд нэгэн томоохон бүжигт наадам болох тухай ярьж өгнө. Гүнж бүжгийн ямар ч авьяасгүй тул зугтаж яваа бөгөөд Сабрина охиныг хэд хоног өөртэй нь солигдохыг гуйна.

Ингээд охин зөвшөөрч, гүнжийн оронд үлгэрт орсноор сонирхолтой үйл явдлууд өрнөж эхэлнэ. Үлгэрийн оронд 4 ханхүү байх агаад тэндхийн амьтад бүгд ярьдаг, охины бүжгийн багш нь Туулай байдаг.

Үүнээс хойш үйл явдал хэрхэн өрнөх нь тоглогч танаас шалтгаална. Та гүнжийн дүрээр хан хөвгүүдтэй бүжиглэж, бүжгийн дасгал хийж болно. Та самба, жайв, ча ча ча, румба, пасо добле, танго, фокстрот, веннийн вальс бүжиглэх болно. Мөн ая нь хүртэл сургалтын, хүнд гээд маш олон төрөл байгаа.

За ингээд танд амжилт хүсье. Дэлгэрэнгүй мэдээлэл авахыг хүсвэл энд дарна уу.

цааш нь...

Бүжиг - Тоглоом

Орчин үед видео тоглоомууд хүчээ авч, хүүхэд багачууд гэлтгүй бүгд л сонирхох болсон төдийгүй үүнийг дагаад тоглоомын төрөл зүйл ч олширсоор байна.
Сүүлийн үеийн борлуулалт сайтай тоглоомын төрөл "бүжгийн тоглоом" ордог. Бүжгийн тоглоомын бусад тоглоомоос ялгах давуу тал нь:
- Эрүүл мэндэд сайн нөлөөтэй /маргашгүй/
- гоо зүйн мэдрэмжийг хөгжүүлнэ /хувцаслах гэх мэт/
- гэр бүл, хамт олноороо тоглох боломжтой
- насны хязгаар байхгүй
- чөлөөт цагаа зугаатай өнгөрүүлэх боломж
За тэгээд дурдаад байвал зөндөө.
Ингээд та бүхэндээ бүжгийн спортын хэд хэдэн тоглоомыг танилцуулж байна.


Dancing With the stars. We dance тоглоом
Уг тоглоом нь бага насны хүүхдэд зориулагдан 2008 оноос хойш худалдаалагдаж байгаа. Бүжгийн спортын талаар мэдлэг олгоод зогсохгүй хамтрагчаа сонгон алдарт "Dancing With the stars" шоунд оролцдог.
Та тоглоомын талаар илүү их мэдээлэл авахыг хүсвэл энд дарна уу.








Princess Debut - Энэ бол Нинтендогоос гаргасан хамгийн гайхалтай тоглоомуудын нэг болж чадсан тоглоом юм. Энд өгүүлэх түүх, орчин, хөгжим, хувцас гээд за тэгээд бүх зүйлс нь гайхалтай, бодит хирнээ үлгэрийн мэт мэдрэмжийг төрүүлж чадна.
Энэ тоглоомын талаар дэлгэрэнгүй уншихыг хүсвэл энд дарна уу.



Dress up games - бага насны охидод зориулсан, бүжигчин хүүхэлдэй хувцаслах маш олон тоглоом байдаг. Та иймэрхүү тоглоомыг интернетээс амархан болох боломжтой.



Dance dance Revolution
Нэмэгдэл хөлийн гишгүүр бүхий энэ тоглоом бол үнэхээр гайхамшиг. Гэртээ, найзуудтайгаа тоглоход бүр янзтай байдаг даа. Манайд Тэнгис кино театрын тоглоомын танхимд нэг байдгийг л лав би мэднэ. Энэ тоглоом байнга шинэчлэгдэж, технологийн хөгжлийг дагаад улам гайхамшигтай болсоор байгаа. Ирээдүйд яг л тайзан дээр байгаа мэт мэдрэмж төрүүлэхээр хийгдэж ч магад биз ээ.
цааш нь...

Асуувал хариулъя...

Та бүхэн манай блогоос асуух зүйл байвал энд comment бичнэ үү. Бид хариулъя. цааш нь...

Блогийн асуулт, хариултын тэмцээн №1

Блогийн асуулт хариултын тэмцээн №1 эхэллээ. Хамгийн түрүүнд зөв хариулт ирүүлсэн нэг оролцогч манай клубт ирж, нэг удаа үнэ төлбөргүй бүжгийн хичээл заалгаж, цагаа зугаатай, үр дүнтэй өнгөрүүлэх боломжтой.

Асуулт №1.
1930 аад оноос Америкт олныг хамран эрчимтэй хөгжиж эхэлсэн, Францаас үүсэлтэй бүжгийн нэрийг хэлнэ үү.
Энэ бүжгийн хөдөлгөөнүүдийн нэршил нь ихэвчлэн франц үг байдаг. Мөн 10 бүжгийн нэгэнд ордог.

Та дорх comment хэсэгт асуултын хариулт болон овог нэрээ бичнэ үү. Ялагчийг зарласнаас хойш манай хичээлийн хуваариас сонгон 7 хоногийн дотор дуртай нэг хичээлдээ үнэ төлбөргүй хамрагдахыг урьж байна.

цааш нь...

10 бүжиг /5 Стандарт, 5 Латин/ - Ballroom dance үргэлжлэл

Социализмийн бүтээн байгуулалтын "зав чөлөөгүй" он жилүүдэд ч төрөөс хүн амынхаа эрүүл мэнд, соёл боловсролд анхаарч, заавал сурах арван бүжиг гэгчийг бүх хүнд эзэмшүүлж байсан.

Харин энэ нийтлэл маань дэлхий дахины " 10 бүжиг"-ийн тухай. Өмнө нь блог дээрээ товч танилцуулснаа дэлгэрүүлж энэ нийтлэлийг толилуулж байна.

Арван бүжиг нь Европын буюу олон улсын, Америкийн гэсэн ялгаатай. Үүнийг сайтар ойлгуулахын тулд харьцуулсан хүснэгт хийлээ.

ОУ стандарт	Америк Смүүт	ОУ латин	Америк Ритм
Вальс	Вальс	Ча ча ча	Ча ча ча
Танго	Танго	Румба	Румба
Удаан фокстрот	Фокстрот	Жайв	зүүн эргийн свинг
Виеннийн вальс	Виеннийн вальс	Самба	Мамбо
Хурдан фокстрот		Пасо добле	Болеро

Олон улсын Стандарт бүжигт хосууд хаалттай барьж бүжиглэх бөгөөд эрэгтэй нь өвдөгцөө урттай зориулалтын смокинг, эмэгтэй нь гялалзсан гоёл чимэгтэй даашинз өмсдөг. Харин Америк Смүүт ангиллын бүжигт хосууд нээлттэй барилтаар мөн бүжиглэхийг зөвшөөрдөг бөгөөд эмэгтэйн хувцаснаас элдэв гоёл цацаг унжуулахыг зөвшөөрдөггүй. Учир нь хосууд салж бүжиглэх үед хувцас нь орооцолдон урагдаж болзошгүй гэнэ. Эрэгтэй бүжигчин урт хормойгүй хослол өмсөнө.

Олон улсын Латин бүжигт эмэгтэй нь богино, тачаангуй даашинз, эрэгтэй нь биеийн бүх хөдөлгөөнийг тод харуулах бариу хос өмсөнө. Америк Ритм ангиллын бүжгүүд Олон улсын Латинаас бага зэргийн л ялгаатай бөгөөд хэрэв та эхлэн суралцагч бол энэ ялгааг олж харахад хэцүү.

ОУ Стандарт буюу Европын ангиллын 5 бүжгийг тэмцээн дээр бүжиглэх дэс дараалал:
Сонирхогчийн тэмцээнд:

1. Удаан вальс
2. Танго
3. Виеннийн вальс
4. Удаан фокстрот
5. Хурдан фокстрот

Мэргэжлийн тэмцээнд:

1. Удаан вальс
2. Танго
3. Удаан фокстрот
4. Хурдан фокстрот
5. Виеннийн вальс

ОУ-ын Латин ангиллын бүжгүүдийг тэмцээнд бүжиглэх дэс дараалал:
Сонирхогчид:
Самба
Ча ча ча
Румба
Пасо Добле
Жайв

Мэргэжлийн тэмцээнд:
Ча ча ча
Самба
Румба
Пасо Добле
Жайв


цааш нь...

Бүжиг - Шүлэг

"Аялгуут хорвоо"

Шүлэг шиг тэнгэрт

Шүлэг бичих шиг шувууд ниснэ

Шүлэг зүрхэнд эгшиглэх шиг дорноос наран мандаж

Шүлэг сэтгэлийг амирлуулах шиг өрнөөс саран мишээнэ

Шүлэг шиг замбуулинд

Шүлэг тэрлэх шиг хувь заяаг үзэглэнэ

Дуу шиг амьдралд

Дуу аялах шиг өдөр шөнө ээлжилнэ

Морин хуурын аялгуунд сэтгэл гэгэлзэх шиг зүүнтээ солонго татаж

Монгол ардын дуунд нулимс мэлмэрэх шиг баруунаас бороо шивэрнэ

Уянга шиг дэлхийд

Уртын дуу шуранхайлах шиг үе удам өртөөлнө

Бүжиг шиг орчлонд

Бүжих шиг цасан бударна

Уран охидын нугараан шиг мөрөн голууд энэ ертөнцийг ундаалж

Уян бүсгүй биелэх шиг тал нутгийн салхи нь сэтгэлийг гижигдэнэ

Бүжиг шиг амьдралд

Бүжиглэх шиг цаг хугацаа зогсолтгүй эргэнэ

Эх сурвалж: www.batkhuu.bblog.mn

цааш нь...

Оросын Тюмений "Вера" хамтлаг

Оросын Тюмений алдарт Вера хамтлагийг танилцуулж байна. Энэхүү хамтлаг нь дэлхийн аварга шалгаруулах формэйшн латин болон стандартын төрлүүдэд удаа дараа маш амжилттай оролцдог дэлхийд алдартай хамтлаг юм.
Амжилтуудаас нь сонирхуулбал:
- Оросын формэйшн тэмцээний 14 удаагийн аварга
- 2007 оны Европын аварга шалгаруулах тэмцээнд IV байр
- 2007 оны Дэлхийн аварга
- 2009 онд Германд болсон Дэлхийн аваргын мөнгөн медаль
- 2010 онд Орост болсон IDSF World Formation Latin Championship - с тэргүүн байр
Тэдний тухай Орост төдийгүй дэлхий даяар шагшин шуугиж: "Тюмений аваргууд энэ удаад мөн л аваргаа баталлаа. Тэд энэ жил техник ур чадвар төдийгүй шинэ стил өнгө төрхөөрөө гайхуулж байлаа" хэмээн бичжээ.
"Вера" хамтлаг 5 сарын 7нд болох Европын аварга шалгаруулах формэйшн тэмцээний бэлтгэлдээ орсон гэнэ.

Вера хамтлагийн хамгийн сүүлийн том амжилт болох Дэлхийн аварга шалгаруулах формэйшн латин- 2010 тэмцээний финалын бүжгийг толилуулж байна. Уг тэмцээнд манай улсаас "Star" хамтлаг амжилттай оролцоод ирсэн юм.


цааш нь...

Бүжиг, ая (татаж авах боломжтой) -12

Нэгэн алдартай румба бүжгийн аяыг татаж авахаар орууллаа. Энэхүү дуу нь Lo So Che Finira гэдэг нэртэй бөгөөд Anna Tatangelo хэмээх дуучин дуулдаг юм байна.

Хэрвээ татаж авахыг хүсвэл энд дарна уу.


Хэрвээ татаж авахаасаа өмнө сонсохыг хүсвэл доорх бичлэгийг үзнэ үү.


цааш нь...

Танго бүжгийн хичээл

Танго бүжгийн нэгэн хичээлийг хүргэж байна. Энэхүү хичээлийг Marcus болон Karen Hilton нар бүжиглэж, тайлбарлана.

Энэхүү хичээлд танго бүжгийн үндсэн хөдөлгөөнүүд бүхий комбинацийг хөгжмийн хэмнэл нь ямар байж болох тал дээр нь анхаарч тайлбарласан байгаа бөгөөд энэ нь танго бүжгийг аянд хэрхэн тохируулан бүжиглэж болох талаар сонирхож мэдэхийг хүсч байгаа хүмүүст тус болох байх.

Гэхдээ ер нь бол танго бүжгийн хувьд аяны цохилтод хөдөлгөөнийг хэрхэн хурдан удаанаар тааруулан хийх нь янз бүр байх боломжтой бөгөөд энэ нь тухайн бүжигчдээс шалтгаалдаг.


цааш нь...

Жайв бүжгийн хичээл

Ирэх сард манай клубт жайв бүжиг үзэхээр болсонтой холбогдуулан бүжгийн спортын алдартай бүжигчдийн цуврал хичээлүүдээс Slavik болон Karina нарын нэгэн видео хичээлийг толилуулж байна.

Энэхүү хичээлд жайв бүжгийн үндсэн хөдөлгөөнүүдийг багтаасан нэгэн бүжгийн комбинацийг эрэгтэй, эмэгтэйн хөдөлгөөнийг тус тусад нь үзүүлсэн байгаа бөгөөд эцэст нь тухайн хийгдэж байгаа хөдөлгөөнүүдийн олон улсын нэршлүүдийг нь дурдсан байгаа.


цааш нь...

Бүжгийн домог- Fred Astaire

Өнөөгийн алдарт бүжигчдийн "багш", бүжигт дуртай хэн бүхний шүтээн агуу Fred Astaire. Бүрх малгай, богино таяг- Энэ бол Fred.

Түүний бүжгийн ертөнц дэх агуу алдар суу өнөө ч гэсэн цуурайтсаар байна. Энэ нь маш олон шалтгаантай. Дуучин, бүжигчин тэрээр 30 гаруй кинонд тоглож мюзикл киноны стандартыг тогтоосон гэж болно.
Товшоо, свэй, стандарт, баллет гээд маш олон төрлөөр бүжиглэдэг ч ганцаарчилсан товшоо бүжиг, дуугаараа илүү алдартай. Мөн бүжгийн спорт, ялангуяа стандарт бүжигт түүний өвөрмөц техник, давтагдашгүй онцлог ихээр нөлөөлсөн гэж үздэг.
Эдүгээ түүний нэртэй, дэлхийн маш олон оронд салбартай бүжгийн асар том студи ажилладаг. Түүний өөрийн нь хэлсэн үгс, Fred -ийн талаар хэлсэн үгс бараг хэлц үг болж түгэн алдаршжээ.
Бид та бүхэндээ "Бүжгийн тухай алдартай үгс-Түүвэр"-ээрээ түүний хэлсэн зарим үгийг орчуулан хүргэж байсан билээ.
Fred Astaire -ийн тухай бичнэ гэдэг надад үнэхээр бахархалтай санагдаж байна. Ингээд та бүхэндээ түүний намтраас эхлэн чадан ядан танилцуулъя.

/Энэ удаагийн бичлэгээ манай блогийн байнгын зочин, Jonydance-ийн "дэлхийн алдарт бүжигчдийн талаар бичээрэй" гэсэн хүсэлтийн дагуу нийтэлж байна./

Бага нас: /1899-1917/
Түүний намтар үнэхээр сонирхолтой. Гэр бүл нь ядуурч, эцэг эх нь хүүхдүүдийнхээ авьяас билгээр амьдрахаас өөр сонголтгүй болжээ. Тэдний гэр бүлийн "алтан тасалбар" нь гайхалтай бүжгийн авьяастай охин Adele Marie байлаа. Багшийнх нь зөвлөсний дагуу охиныхоо хос болгон бяцхан дүү Fred -ийг нь бүжиглүүлэхээр шийдсэн тэр өдөр дэлхийн домогт бүжигчний энэ салбарт "мэндэлсэн өдөр" болсон байдаг.
Хүүгийн авьяас энэ цагаас эхлэн тодорч, эгчтэйгээ хамт жүжигт тоглож эхэлжээ.


Броадвэй-д алдаршсан 1917-1933 он:
Энэ үеэс эхлэн Fred-ийн авьяас билиг эгчийнхээсээ тодрон гялалзаж байлаа. Тэд хамтдаа Бройдвэйн жүжигт тоглож алдар хүндийг хүртлээ. Эгч Adele нь гэрлэж, карьераа орхисноор Fred ганцаараа бүжиглэх болж, Холливудын ертөнцөд хөл тавьжээ. Эхэн үедээ романтик, хайрын кинонд тоглоход түүнд хүнд байлаа. Учир нь тэр эгчтэйгээ бүжиглэдэг, хайрын мэдрэмжийг тэр бүр анхаардаггүй байсан биз ээ.
Анхны нь кинонд хамтран бүжиглэгч нь түүнд "Fred, би эгч чинь биш. Над руу хар л даа" гэдэг байснаа хожим дурсан бичсэн байдаг.


1933- 1987: Амжилтын жилүүд: Харуусал: Аз жаргал: Хайр дурлал: Алдар суу
Fred Astaire гэдэг нэрийг сонсоход түүний хослон бүжиглэгч Ginger Rogers гэдэг нэр санагдана. Fred бүжиглэх хугацаандаа маш олон хостой байсан хэдий ч Ginger Rogers-той хамгийн удаан, хамгийн алдартай, хамгийн их шуугиантай хосууд байсан гэдэг. Ginger Rogers-ийн талаар "Түүний олон хамтрагчийн дундаас Ginger Rogers илүү алдартай байдгийн учир нь түүний бүжгийн чадварт биш түүний бүжиглэж байхдаа жүжиглэхээ мартдаггүй чадварт оршдог " гэсэн байдаг. Тэд хамтдаа 10 гаран кинонд тогложээ.

Энэ удаадаа зөвхөн товч танилцуулаад орхилоо. Дараа цувралаар та бүхэндээ түүний хувийн амьдрал, хайр дурлал, зан чанарынх нь талаар дэлгэрэнгүй хүргэх болно.

Шагнал урамшил: Энд дарна уу.
Тоглосон кинонууд: Энд дарна уу.
Бүжгийн бичлэг үзэхийг хүсвэл энд дарна уу.
Гайхалтай дуу, бүжиг үзэхийг хүсвэл энд дарна уу.
Fred Astaire бүжгийн клубын сайт руу энд дарж орно уу.
Ginger Rogers-ийн намтар, бүжгийн амьдралын түүхийг сонирхвол энд дарна уу.

цааш нь...

Бүжгийн тухай алдартай үгс - Түүвэр 6

Inspirational Dance Quotes

• Бүжиг бол бүх урлагийн эх юм. Хөгжим болон шүлэг цаг хугацааг эрхшээдэг. Уран зураг болон уран барилга орон зайг эрхшээдэг. Харин бүжиг л орон зай, цаг хугацааг нэгэн дор, нэгэн зэрэг эрхшээдэг. Curt Sachs
• Бүжиг бол үгээр илэрхийлж болшгүй тэр л зүйлийг илэрхийлэхээр хүний бие болон сүнсний хооронд гүүр болдог. Ruth St. Denis
• Бүжиг бол чиний зүрхний цохилт, амьсгаа. Энэ бол чиний амьдралын хэмнэл. Энэ бол цаг хугацаа, хөдөлгөөн, хөгжил баясал, аз жаргал, гуниг харуусал дотор орших илэрхийлэл. Jaques D'ambroise
• Dancers are the athletes of God. Albert Einstein
• Dancing is like dreaming with your feet. Constanze
• The dancer's body is simply the luminous manifestation of the soul. Isadora Duncan
• Бүжиглэх үед таны зорилго нэг алхмаас нөгөөд шилжих бус, алхам бүрээсээ таашаал авахад оршино. Wayne Dyer
• Амьдрал яг л бүжиг шиг. Заримдаа чи удирдана, заримдаа чи дагана. John Michael Montgomery
• Хүмүүс гоо сайхныг харахаар ирдэг. Харин түүнийг бүжиг тэдэнд өгдөг. Judith Jamison
• Relationships are like a dance, with visible energy racing back and forth between partners... Colette Dowling
• Master technique and then forget about it and be natural. Anna Pavlova

Эх сурвалж: squidoo.com
Зарим үгийг орчуулснаасаа илүүтэйгээр эх хэлээр нь уншвал илүү яруу сайхан, ойлгомжтой санагдсан тул орчуулж зүрхэлсэнгүй. Миний орчуулга арай л бүдүүн хадуун байх биз ээ.

цааш нь...

Dance gift ideas - Бүжиг-Бэлэг-Зөвлөгөө

Та бүжигт дуртай хэн нэгэнд бэлэг сонгох гэж байна уу. Тэгвэл таны бэлэг өгөх гэж байгаа хүн мэргэжлийн бүжигчин ч бай, сонирхогч ч байсан ялгаагүй бүжигтэй холбоотой бэлэг өгвөл тэр хамгийн шилдэг бэлэг болно.
За ингээд хэд хэдэн сонирхолтой санааг толилуулъя. Танд хэрэг болно гэж найдаж байна.



1. Цаг агаар хүйтэн үед нимгэн иртүүз, трико өмсдөг бүжигчдийн хувьд зарим бэрхшээл тулгардаг. Биеийг халуун байлгах физиологийн зохицолдлогоор даарсан үед булчин агшдаг. Тиймээс бүжгээр хичээллэж байгаа үедээ бэртэх гэмтэхээс сэргийлж биеэ халуун байлгах хэрэгтэй болно. Энэ нөхцөлд дараах бэлэгнүүд "үнэ цэнэтэй".
Үүнд:

• Гидр- Хөл болон гарт өмсөх зориулалттай төрөл бүрийн өнгө, загварын гидр бэлэглэж болно. Өөрийг нь "дулаацуулсанд" бүжигчин хүн баярлах нь гарцаагүй.
• Цээживч- Ханцуйтай, ханцуйгүй янз бүрийн богино цээживч
• Бэлтгэлийн хувцас- Хагас ноосон материалтай, элдэв чимэг хачиргүй цулгуй, нэг өнгийн цэвэрхэн хийцтэй ийм хувцсыг хүйтэн үед өмсөхөд илүүдэхгүй. Цамцыг нь иртүүзтэй хослуулан өмссөн л болох л юм.

2. Ихэнх бүжигчид хөл нь ядарч цуцсан байдаг тул дараах зүйлсийг нэг хайрцганд боогоод өгвөл үнэлж баршгүй бэлэг болно.

• хөлийн банн буюу спа- Энэ нь өвдөлт ядаргааг арилгах тустай. Массажтай болон халаагууртай бол бүр ч илүү.
  
• Хөлийн зөөлөн алчуур
• Хөл арчилгааны бүтээгдэхүүн- тос, давс гэх мэт
  
• Хөл арчилгааны багаж хэрэгсэл - хуурай, тос түрхэсний дараа өмсөх оймс гэх мэт
  

3. Бүжгээр хичээллэж буй эмэгтэйд гоёл чимгийн зүйл бэлэглэвэл бас нэгэн өнгө нэмнэ.

• Үсний даруулга
• гар, хүзүүний зүүлт гэх мэт

4. Бүжгийн сэдэвтэй кино бүжигчин хүнд урам зориг өгч, цуглуулгыг нь арвижуулах биз ээ.
5. Таны бэлэг өгөх гэж буй хүн байнга ном уншдаггүй байсан ч Бүжгийн тухай ном өгөхөд баярлах нь гарцаагүй. Завсарт нь бүжгийн ил захидал дээр хөгжилтэй дурсгалын үг бичиж хавчуулахаа мартав аа.
цааш нь...

ТОП 8 зөвлөгөө - бүжгээр хичээллэж буй хэн бүхэнд

Бүжгээр хичээллэж буй хэн бүхэнд зориулсан зөвлөгөөг толилуулж байна. Та ямар бүжгээр хичээллэдэг, хир ур чадвартай зэрэг тань огтхон ч ялгаагүй.
Та дорх зөвлөгөөг дагавал таны бүжгийн ур чадвар мэдэгдэхүйц ахиж, сэтгэл ханамжийг мэдрэх болно.

Танд амжилт хүсье.

1. Сайн багш хэрэгтэй.

Туршлагатай бүжигчид сайн багштай байх ямар их хэрэгтэйг сайн мэддэг. Сайн багш зөвхөн бүжгийн техник, хэрхэн бүжиглэхийг заагаад зогсохгүй, алдааг тань олж харж, засч залруулж өгдөг байх хэрэгтэй. Та хэсэг хугацаанд бүжиглэсэн ч ямар нэгэн ахиц мэдрэгдэхгүй бол өөр багш хайгаад үз. Бүжиглэх тусмаа ямар багш танд хэрэгтэйг та мэддэг болно.

/бид ийм багштайдаа баяртай байдаг.../

2. Бусдыг сайтар ажигла
Багшийгаа болон бусдыг сайтар ажигла. Кино, бичлэг үзэж, бүжигчдийн хөдөлгөөн, техник зэргийг ажиглан, өөрийнхөө хэв маягийг олж авахыг хичээгээрэй.

3. Биеийн төгс байрлал
Цэх зогсож, мөрөө буулган, хүзүүгээ сунга. Биеэ зөв зогсох нь сайн бүжигчин болоход маш чухал байдаг.

4. Сунгалт
Тогтмол сунгалт хийснээр та урьд өмнөхөөсөө хавьгүй уян хатан болно. Бүжгийн нэг гол зорилго бол хөдөлгөөн бүрийг төгс гүйцэтгэхэд оршдог. Бие тань хир уян хатан байна, төдий чинээ хөдөлгөөн хийхэд амар болно. Сунгалтын дасгалыг өдөр бүрийн хэвшил болгоорой.

5. Техникээ сайжруул
Мэргэжлийн бүжигчид ихэнх цагаа техникээ сайжруулахад зарцуулдаг. Шилдэг бүжигчнийг сайн бүжигчнээс ялгадаг гол зүйл нь төгс техник байдаг.

6. Тохирсон гутал өмс
Бүжиг бүрт тусгай гутал байдаг. Тэр гутал нь бүжигчний хөлийг хамгаалаад зогсохгүй бүжиглэхэд эвтэй байдаг. Та яг өөртөө тохирсон раемерийн, сайн чанарын гутал аваарай.

7. Амарч тайвшир
Таныг тайван байх үед ямар ч хөдөлгөөн хийсэн бие тань санаснаар чинь л хөдлөх болно. Хэдэн удаа гүнзгий амьсгаа авч, оюун санаагаа элдэв бодлоос чөлөөл. Хөгжмийн аялгууг л сонс.

8. Инээмсэглэ
Инээмсэглэл бол аз жаргал, сэтгэл ханамжийн илэрхийлэл. Таныг бүжиглэж байхдаа инээмсэглэхийг хүмүүс хараад таныг хийж байгаа зүйлдээ дуртай байгааг чинь мэдрэх болно. Ганцаараа бүжиглэж байсан ч инээмсэглэ. Та бүжиглэх дуртай, тэгээд түүнийгээ ил харуулж инээмсэглэ. цааш нь...

Бүжгийн хэмнэл, хөгжмөө сонсож чадахгүй байгаа бол...- Зөвлөгөө

Анхлан бүжиглэж сурч байгаа хэн бүхний хувьд бүжгийн хөдөлгөөнөө сурахаас илүү хөгжмийн хэмнэлийг сонсож, түүнд тохируулан бүжиглэх гэдэг хамгийн бэрх байдаг. Миний хувьд ч гэсэн ялгаагүй. Тэгээд дараах зөвлөгөөг олж үзээд, өөрөө баримталж үзтэл нилээд ахицтай, боломжийн мэт санагдсан тул та бүхэнтэй хуваалцаж байна.

Бүжгийн хэмнэлийг хэрхэн сонсож сурах вэ?

Хөгжмийн хэмнэл буюу цохилтыг сонсож сурах нь бүжгийн хэмнэлийг /timing гэдгийг ингэж орчууллаа/ мэдрэхэд хамгийн чухал байдаг. Ялангуяа хослон бүжиглэгчдийн хувьд хоёр хүн яг нэгэн зэрэг хөгжмийн цохилтыг мэдэрч, нэг зэрэг хөдөлнө гэдэг үнэхээр чухал.

Хөгжмийн цохилт /Beat/болон хэмнэл /rhythm/

Та ямар нэг аяны хэмнэлийг мэдэрч чадсан бол та агуу бүжигчин болох гараагаа эхэллээ л гэсэн үг. Цохилт нь чанга бас сул гэж хоёр янз байдаг. Цохилтыг мэдэрч сурахын тулд та дараах аргыг туршаад үзээрэй.

1. эхлээд 4 бүлэг цохилтыг ялгаж сонсохыг хичээ.
2. эхний цохилт нь арай чанга, бусад гурав нь арай сул байна уу?
3. Эхний чанга цохилт дээр алга ташиж, дараагийн 3 сул цохилт дээр хөлөө товшоод үз. НЭГ, хоёр, гурав, дөрөв. НЭГ, хоёр, гурав, дөрөв
4. Цохилтыг барьж сонсдог болсон бол одоо алгаа арай чанга ташиж, хөлөө сулхан товшоод үз.
   

Та дээрх дөрвөн алхмыг дагуу оролдсоор аливаа аяны цохилтыг мэдэрч сурсан бол та амжилтад хүрчээ гэсэн үг. Аяны цохилтыг сонсож сурах хамгийн сайн арга бол олон дахин сонсох, олон дахин дээрх аргаар давтах бөгөөд эцэстээ та нэг их хичээл зүтгэл гаргалгүйгээр цохилт хэмнэлийг мэдэрдэг болно. Танд амжилт хүсье.

цааш нь...

УАШТ - 2009 /самба, хурдан фокстрот/

2009 оны бүжгийн спортын улсын аварга шалгаруулах тэмцээний бичлэгээс


цааш нь...

Бүжгийн хувцсаа хэрхэн сонгох вэ? - Зөвлөгөө, Бүжиг

Та бүжгийн хувцас худалдан авах гэж байгаа бол эхлээд энэхүү зөвлөгөөг уншаарай. Дэлгүүр, худалдааны төвүүдээр маш олон төрлийн, чанарын хувьд ч харьцангүй өөр өөр бүжгийн хувцас худалдаалагдаж байна. Миний хувьд бүжгийн хувцас сонгоно гэдэг амаргүй ажил байсан. Тэгээд хайсаар энэ зөвлөгөөг олж, орчуулан та бүхэнтэй хуваалцаж байна.

• Бүжгийн гутал

Гутал бол хамгийн чухал зүйл тул маш зөв сонголт хийх хэрэгтэй. Үүний тулд та хөлдөө яг таарсан размерийг сонгоорой. Таарахгүй гутал таны өвдөг, шагайг ч гэмтээх аюултай гэнэ. Мөн дэлгүүр дотор өмсөөд үзвэл бүр сайн. Гэхдээ барааг буцааж болдог эсэхийг асуухад илүүдэхгүй шүү. Учир нь өмсөж үзэх, өмсөөд бүжиглэх хоёр өөр учраас яг бүжиглэх үед хөлд эвгүй бол буцааж солих "араа" бодох хэрэгтэй.

• Хувцасны цүнх

Бүжгийн гутал, хувцсаа хэвийг нь алдуулахгүй, цэвэрхэн байлгах зэрэг олон шалтгааны улмаас бүжгийн танхимаас гадуур өмсөхгүй байх хэрэг гарна. Бүжгийн хувцсаа хийж явах цүнхийг сонгохдоо дараах хэдхэн зүйлсийг анхаарахад илүүдэхгүй шүү. Үүнд: хэт жижиг бол гутлын хэв алдагдах магадлалтай. Хэт том бол бас л тохиромжгүй. Мөн даавуун материалаар хийгдсэн бол агаар чөлөөтэй нэвтэрч, хөлс чийг нэгшрэхгүй сайн талтай гэнэ.

• Бусад

Бусад хувцасны хувьд биедээ аль болох эвтэйхэн, хөлс шингээдэг, материал сайтай, хөдөлгөөн хязгаарлахгүй байх хэрэгтэй. Мөн таны стилл имиджийг илэрхийлсэн өнгө төрх бүхий, тухайн бүжгийн стандарт хувцас байх нь гарцаагүй.

цааш нь...

Бүжгийн тухай алдартай үгс- Түүвэр 5

Dance is the music made visible. George Balnchine

• Бүжиглэснээрээ би юуг ч батлахыг оролддоггүй. Өөрийгөө илэрхийлэх арга ч гэж боддоггүй. Би зөвхөн бүжиглэдэг. Fred Astaire
• If I could have said it, I shouldn't have had to dance it. - Anna Pavlova
• Эрч хүч зөвхөн гарт хүрээд зогсох биш хуруу бүхний үзүүрээр гэрэл цацрах мэт мэдрэмжийг би хүсч байна. Боб Фоссе
• Dancing is like bank robbery. It takes split-second timing.- Twyla Tharp
• Бүжиг бол өөрийгөө чөлөөлөхийн нэр. Илүү агуу, илүү үзэсгэлэнтэй, илүү хүчирхэг. Бүжиг бол ертөнц дээрх чиний хүч чадал, гоо үзэсгэлэн, бүх зүйл. Агнес де Милле


• I do not try to dance better than anyone else. I only try to dance better than myself.- Mikhail Baryshnikov
• Бүжиг бол хөл дээрээ зогсоод мөрөөдөх юм. Энэ мөрөөдөл чамд урам зориг өгнө. Хайли Мэри
• Бүжиг бол чимээгүй яруу найраг. Бүжигчин бол Бурханы яруу найрагчид.
• It takes an athlete to dance but an artist to be a dancer.

цааш нь...